RRETH NESH

Shoqëria jonë Oleum Transporti është themeluar në Shkurt të vitit të kaluar, me kapital 100% shqiptar dhe me ortak të vetëm zotin Sokol Malaj.Sfera e veprimtarisë të kompanisë tonë shtrihet në fushën e transportit brenda dhe jashtë vendit, tregëtimit me shumicë dhe pakicë, importimit, eksportimit të naftës dhe nënprodukteve të saj, vajrave lubrifikantë si dhe lëndëve të para për prodhimin e tyre. Ne ndihmojmë gjithashtu në tregëtimin me shumicë dhe pakicë, importimin dhe eksportimin e mallrave të ndryshme ushqimore, industriale, pijeve alkoolike dhe jo alkoolike, elektroshtepiakeve si dhe hidrosanitareve.Qysh prej fillimit të punës së saj, u pa si aktiviteti primar,si për tregun e brendshëm ashtu dhe atë rajonal, ofrimi i shërbimeve të transportit tek kompanitë naftë nxjerrëse dhe përpunuese, të naftës bruto dhe nënprodukteve të saj.Gjithashtu si pjesë e plotësimit të nevojave të shoqërive të lidhura, ofrojmë transportin e nënprodukteve tona të naftës , benzinës, koksit, solarit etj deri te konsumatorët finalë.Shoqëria jonë disponon në përdorim një shesh magazinimi të flotës sonë të transportit rrugor të kompletuar me të gjitha facilitetet e plotësimit të logjistikës me resurset e vetë shoqërisë, si edhe një gamë mjetesh transporti, si të naftës bruto ashtu edhe të nënprodukteve, prej gati 40 mjetesh, kryesisht të tonazheve të rënda.Synojmë diversifikimin e gamës së shërbimeve tona duke bashkëpunuar me partnerë strategjikë dhe të besueshëm të cilët ofrojnë për tregun shqiptar përvojën më të mirë të sektorit të hidrokarbureve.